小英の家~~~

今日终于罗到10.1宜结婚D相啦，翻到屋企即刻放上来供大家传阅，我都算尽职尽责啦~~大家慢慢睇啦！

原以为可以就甘结束我漫长既单身之旅，但结果我都系唔舍得自由自在既生活，决定重投单身既怀抱……哇！真系好爽，无牵挂，无伤心，无眼泪，心情一直保持轻松愉快，连时间都好似过得特别快~有时真系会林，我系咪越来越变态呢？

 

经过今次，我越来越发觉两个人既关系唔需要有高低起伏，唔需要经过大风大浪，我中意细水长流，平平淡淡，有时可以为书中既某个观点争论不休，有时可以因为同游过某个旅游景点昼夜长谈。唔需要甜言蜜语，唔需要承诺，重要既系两个人相处时既感觉，系可以好清楚对方了解对方既果种实在既感觉。

 

如果经过好耐好耐都未稳到哩个人，各位好友唔需要担心，因为就算我一个人都绝对会过得好好，好好！因为我最爱既就系我自己啦，哈哈哈哈哈哈！！

原来系误会一场，搞到自己甘唔开心，真系蠢！不过都比我知道左两样野，坦白同沟通真系好重要！！第二样就系，我林我已经踩得越来越深啦……

最近哩两个星期我变得越来越夜训，因为晚上多左样野要做。之前我唔敢去期待，但而家我每晚都会期待。虽然睡眠不足令我向国宝级向前迈多左几步，但每晚我都可以好容易入睡同训得好安稳。但今晚有D唔同，我期待既事虽然都有发生，不过结果却180度大转变。其实我既眼皮已经好难再撑得起，但个心唔知点解好唔舒服，就从你同我讲果句话开始。第一次觉得自己将收埋系个心入面好耐既事讲出来系一个错误，而且我发觉自己既表达能力从小学到而家好似根本无提高，点解讲出来既效果同我预期既唔一样？？系我既问题？其实我知道一直以来我都唔敢去爱，主因当然唔系高中果个无关痛痒，年少无知既故事。有好多野系短时间之内其实系好难可以讲得清，但我都想尽量将我可以讲到既讲晒出来，我以为我会听到一句“你唔试过又点知呢？我有信心你一定可以做得到！你而家唔信我唔紧要，之后我所做既事会将你对我既信心慢慢建立起来！”…………毕竟我始终都太单纯，世界上好难稳到一种愿意无条件付出既爱…………我其实系咪真系应该要林清楚呢？

 

到左而家哩个时候，当我冷静思考后，发觉其实我已经林得好清楚，我知道自己应该要做咩事，我打算迟D同我表弟或者姊妹讲一件会令距地好开心既事，同距地讲我决定既一件事。但而家，我开始有D想退缩，我开始会林你究竟系因为咩原因讲中意我，之前讲过话真实既野凭咩去证明系真实既。你话你对感情好理智，但你今晚同我讲既一番说话同时都唤醒翻我无左几个星期既理智。感觉上我好似发左场梦，带比我开心欢乐既系你，一棍打醒我既亦都系你。我而家真系好乱……分唔清究竟系发梦定系现实。今晚我忍住无喊，因为系未确定你系真正中意我之前我唔会轻易示弱。个人好唔舒服，心肝脾肺肾都好似放错晒位……我觉得我好似一直都比人拖住来走，一直都比人左右我每日既感受，但哩个人究竟系因为咩原因会讲中意我？我唔知，我都唔敢林，从未曾试过哩种感觉……今个星期会唔会就如星座书所讲，会有唔好既事发生系恋人身上？不过都唔关我事啊，一直以来我都无恋人，只系得我一个人……

 

好早前有人同我讲过，系爱情入面怕哩样怕果样既人系唔会得到幸福，我觉得已经开始应验，但我自问已经好努力去尝试，去爱，点解无人体谅下我？点解要用你既角度去解读我既压力？当我ready好要开始既时候，难道换来既只有结束……

有个friend介绍左泳儿只歌我听，距话只歌好岩距既心情。我曾经讲笑话以后系spaces唔会再出现有关距既事，因为距太自大啦，成日都以为我“好爱”距。不过距介绍哩只歌又真系几入心入肺既，我一睇D歌词……唉！（哎呀！又化身成我表哥添，“唉！”系距最近哩半年既口头禅，嘻嘻！）又开始乱林野啦~~唔得，要学菲菲话斋，“吃住上”！比D信心自己！嗯！好！去训觉！

哩两日心情劲差，唔知系咪因为女人果几日既关系而有所影响呢。好多时候一个人静静地林野就好容易出事，好似我表哥甘中意钻牛角尖，话晒大家都有D血缘关系，点都会有小小似既。基本上我都唔希望比自己太多空闲时间去林野，所以工作上会尽量令自己忙D，打call打到口水干晒都唔敢停，翻到屋企不停睇电视、打机、上网睇戏。不过唔知系咪因为有野未林掂，所以一有小小时间就又会林翻起，真该死~！

 

如果有D野可以清清楚楚甘摊晒出来就好啦，本身我都超级大近视，好怕睇唔清就要做决定。今次如果再做D令自己伤心既事，无左大学班死党系身边，我真系怕唔知点挨啦~~

 

每次遇到同类型既问题我都会林好多野，有人讲过， 船头惊鬼船尾惊贼既人系唔会得到幸福既。但造成哩种性格，我林无人想罗。近排都会想办法对自己好D，尽量做多D令自己开心既事，稳翻好耐无见既好心情！可惜就系唔可以大吃大喝，夏天到啦，要好好减下肥~~做运动都系一个好好既方法。有想做运动既朋友，记得约埋我啊~~

哩几日发生左一D小事，其实真系唔系甘大件事，不过真系令我有好大感触。5月份既奖金寻日出左，我质量分唔够，所以果部分既奖金罗唔到。之前我个trainer话我6月份有机会打一D比较难既call，但寻日距突然叫我唔使打住，开始我仲唔知系咩回事，原来系因为质量唔过关~~都好啦，打住D简单既call先，罗多D感觉都系一个唔错既锻炼。之前个trainer都唔敢同我明讲，不过后来距都系忍唔住，“我都叫XX手下留情啦，始终都系新人，唔好第一次评分就甘严格先得噶，不过距话都要一视同仁，甘下个月就打好D call，罗翻个质量分比距睇！”今日轮到个leader，叫左我入办公室，听翻之前评分既call，发觉我真系讲得好白痴，罗唔到奖金都系应该既。leader同我分析完个call，都好语重心长甘同我讲，“今个月暂时唔使打5M既call，但你都唔好灰心啊，我地对你好有信心，下个月你罗到质量分就会放你上去打啦，其实平时遇到有咩问题都可以稳我倾下噶。总之千祈唔好个心唔舒服，我地都对你好大期望噶。”当时我都觉得好唔好意思，两个领导都甘care我既感受，都想我可以罗到果部分奖金。其实当时入去做既时候，我都会担心全部都系女人，会唔会有太多是非呢~~但经过大概3个月既过程，我发觉大家真系都好好，无论系上司定系同事，每个都对我哩D新人好好，可能系经常接触小朋友啦，思想都比较单纯，都系做翻自己既本分，唔会搞咩风浪出来，系哩个环境入面工作真系好舒服好开心，虽然每日都要咩住target做野，但哩D压力会比开心同舒服冲走晒！！

 

我发觉我做左几份工，计埋rbt，D上司都对我好好。之前果份工就真系唔使讲，同我阿妈差唔多，带我周围吃喝玩乐就好平常，但工作上都好照顾我，虽然我只系一个小小临工，岩入去只系得1000大洋，我听到都想喊啊，后来距知道左我得1000，走去同办公室果边讲，要加到我同其他临工一样工资。之后我就更加落力帮距做野，经常我都会陪距一齐加班，但到7点距就会赶我走，怕我夜翻屋企唔安全。工作汇报都会将我个名讲埋出来，话我做左好多野。其实距根本就唔需要甘做，但距都甘为我，所以我真系好感激距！就快端午节，我记得距好中意吃粽，都叫阿妈包多D罗过去比距，距收到当然好开心啦，我见到距都好开心啊~~如果唔系落紧雨我真系想揽下距，话比距听我有几挂住距。就好似个女同阿妈撒娇一样，呵呵！~